Pablo Suárez García ye Doctor en Filoloxía pola Universidá d’Uviéu y Especialista en Filoloxía Asturiana. Ye tamién Llicenciáu en Filoloxía Hispánica, Llicenciáu en Ciencies Matemátiques ya Inxenieru Superior de Telecomunicación. Dende 2016 ye Académicu Correspondiente de l’Academia de la Llingua Asturiana. Ye autor de numberoses traducciones al asturianu, ente elles: Tirán el Blancu, de Joanot Martorell (Academia de la Llingua Asturiana y Acadèmia Valenciana de la Llengua); Traxedia de Caldesa, de Roís de Corella (Universidá de California at Santa Barbara ya IVITRA de la Universidá d’Alicante); Curial ya Güelfa (Trabe); El suañu, de Bernat Metge (Trabe); Proses profanes, de Roís de Corella (Trabe); Obres completes, d’Ausiàs March (Saltadera); L’inxeniosu fidalgu Don Quixote de la Mancha, de Cervantes (Laria); Llazarín de Tormes (Laria); La Celestina, de Fernando de Rojas (Laria); y Decamerón, de Boccaccio (Trabe). Ye tamién autor de trabayos filolóxicos como un Vocabulariu de Trubia (Academia de la Llingua Asturiana) o les monografíes La fala de Trubia: estudiu sincrónicu y diacrónicu y Onomástica de Trubia (Academia de la Llingua Asturiana y Universidá d’Uviéu) o l’ensayu Un matemáticu asturianu del sieglu XVIII: Agustín de Pedrayes y Foyo (Conseyería de Cultura del Principáu d’Asturies). Ye autor de numberosos trabayos d’investigación y divulgación sobre la llingua asturiana.